Category Archives: My Opinion

តើនឹងមានអ្វីកើតឡើងក្នុងពេលឆាប់ៗខាងមុខ?

ការបោះឆ្នោតនៅថ្ងៃទី 28 ខែ កក្កដា បានចប់រួចរាល់នៅវេលាម៉ោង៣​រសៀល ដោយ​មាន​ភាព​ល្អប្រសើរ​ស្ទើគ្រប់កន្លែង លើកលែង​តែ ទីតាំងមួយចំនួន​ដែលមាន លក្ខណៈ​ហិង្សារ​ ​ដោយសារអ្នកបោះឆ្នោតមួយចំនួនបានបាត់ឈ្មោះពីបញ្ជី ឬ ត្រូវ​បាន​គេបោះ ជំនួស និង កន្លែងខ្លះទៀត អ្នកដែលមកបោះឆ្នោត​ មិនចេះនិយាយភាសាខ្មែរ បន្ទាប់​មកឈានដល់ការដុតបំផ្លាញ​ឡានរបស់ កងរាជអាវុធហត្ថ​អស់ ពីរគ្រឿង​ថែម​ទៀត​ផង។ នៅល្ងាចថ្ងៃដដែល តាមផ្លូវនិងទីតាំងសំខាន់ៗមួយចំនួន មានការបិទ ដោយ​កង​​កម្លាំងប្រដាប់អាវុធ ផ្គួបផ្សំនិងពាក្យពីមាត់មួយទៅមាត់មួយ ធ្វើឲ្យ​មានការជ្រួល​ច្របល់ ប្រជាជនមួយចំនួន​នាំគ្នាទៅដកប្រាក់ពីម៉ាស៊ីន ATM និងទិញទំនិញ សំរាប់​បរិភោគទុកទៀតផង។

ចាប់តាំងពីពេលនោះរហូតមកទល់នឹងថ្ងៃនេះ (31 កក្កដា) ពាក្យបំផុសបំផុលនៅ​តែ​មាន​ ដោយភ័យខ្លាចការបង្ហូរឈាម ដែលបណ្តាលមកពីការមិនទទួលស្គាល់​​លទ្ធផល និងដោយសារ​ ក្រុមនៃអ្នកគាំទ្រម្ខាងៗ​មិនសុខចិត្តរៀងៗខ្លួន។ ដូច្នេះតើនឹងមានអ្វី​កើត​​ឡើង​បន្ទាប់?

តាមការយល់ឃើញរបស់ខ្ញុំ ប្រទេសយើង​នឹងគ្មានរឿងអាក្រក់កើតឡើងមុន​ការ​រៀប​ចំ​​រាជរដ្ឋាភិបាលអណ្ណតិទី​៥​នេះឡើយ ហើយក៏គ្មានបញ្ហាធំដុំកើតឡើងនៅក្នុង អណ្ណត្តិ​នេះដែរ តែបែរជាមានភាព​ប្រសើរ​ឡើង​ច្រើន ទាំងអស់នេះគឺដោយសារ៖

  1. បារមី និង បណ្តាំរបស់ព្រះមហាវីរៈក្សត្យ នរោត្តមសីហនុ
  2. ព្រះបញ្ញាញ្ញាណ និង ម្លប់ របស់ ព្រះមហាក្សត្យ នរោត្តមសីហមុនី
  3. ភាពចាស់ទុំខាងនយោបាយ និង ផ្សះផ្សារជាតិ របស់សម្តេច ជា ស៊ីម និង សម្តេច ហ៊ុន សែន
  4. ភាពឈ្លាសវៃ របស់ ឯកឧត្តម សម រង្ស៊ី
  5. ស្មារតី និង ឆន្ទះ របស់ប្រជាពលរដ្ឋ

ជាមួយគ្នានេះផងដែរ, ខ្ញុំសូមធ្វើការព្យាករណ៍ដូចខាងក្រោម៖

  • អង្គនិតិបញ្ញាតិ នឹងដឹកនាំដោយ គណបក្ស​ សង្គ្រោះជាតិ (ប្រធាន និង អនុប្រធានទី១​ នៃរដ្ឋសភា) និងអាចមានរួមផ្សំជាមួយ គណបក្ស​ ប្រជាជនផងដែរ
  • អង្គនិតិប្រតិបត្ត នឹងដឹកនាំដោយ គណបក្ស​ ប្រជាជន​តែឯកឯង (គ្មានការចូលរួមពីគណបក្ស​ សង្គ្រោះជាតិ ឡើយ)

គួរពុំគួរ នេះគ្រាន់ជាជ្រុងមួយនៃទស្សនៈប៉ុណ្ណោះ៕

Advertisements

Mobile Operators and Prefixes in Cambodia

It’s amazing that Cambodia as a small country has over 30 prefix numbers among 8 mobile operators. This is the result of wasting SIM cards during cut throat competition (crazy?) with less digit extension (all have 6 digits except MetFone, 7).

តើ “បសស” បង្កើតឡើងដើម្បីអ្វី?

តើ បសស បង្កើតឡើងដើម្បី ជួយដល់និយោជិក (?!) សម្លាប់និយោជក? ឬ ដើម្បីសម្លាប់ ក្រុមហ៊ុនធានារ៉ាប់រង?

ចំពោះក្រុមហ៊ុនធានារ៉ាប់រងបសស គឺជាឧបសគ្គមួយ យ៉ាងធំ ព្រោះថា សហគ្រាស និង ស្ថាប័នទាំងអស់ សុទ្ធតែជាប់ កតព្វកិច្ច ជាមួយ បសស ធ្វើឲ្យ មួយភាគធំ ដកថយ ចេញពី ក្រុមហ៊ុនធានារ៉ាប់រង ជាសវាងការចំណាយទ្វេដង។

ចំពោះ និយោជក វិញ ការបង់ប្រាក់ទៅឲ្យ បសស ពិតជារឿងដែល គួរឲ្យធុញទ្រាន់ និង ចំណាយខ្ពស់ណាស់ បើប្រៀបធៀបជាមួយ ក្រុមហ៊ុនធានារ៉ាប់រង។ ដោយសារ លក្ខខណ្ឌនៅកន្លែងការងារតំរូវឲ្យមាន ការធានារ៉ាប់រង និយោជកខ្លះ ត្រូវបង្ខំចិត្ត ចំណាយទ្វេដង ដែលមានខ្លះត្រូវខាតបង់ និង ខ្លះទៀតឈានទៅរកយុទ្ធសាស្ត្រ ដកថយ ចេញពីទីផ្សារកម្ពុជាផងដែរ។

ចំពោះ និយោជិក ហាក់ដូចជាទទួលបានផលប្រយោជន៍ច្រើន ពី បសស ព្រោះថា យ៉ាងហោចណាស់ ខ្លួនអាច ទទួលបាន ប្រាក់ ៨០% នៃប្រាក់បៀរវត្តន៍របស់ខ្លួន និង ជាពិសេស ចំពោះនិយោជកដែលមិនបានគិតគូរ ពីបញ្ហាធានារ៉ាប់រង។ តែបើយើង ពិនិត្យមើលនៅជ្រុងម្ខាងទៀតវិញ ក្នុងករណី និយោជក បោះបង់ ការទិញធានារ៉ាប់រង ពីក្រុមហ៊ុនធានារ៉ាប់រង ដើម្បី ជាសវាងការចំណាយទ្វេរដង នោះផលប្រយោជន៍ ដែលនិយោជិក ទទួលបានពី បសស មានលក្ខណៈតិចជាង និង ស្មុគ្រស្មាញជាង ហើយ បើករណី និយាជក ដកថយ (បិទក្រុមហ៊ុន) វិញ នោះការបាត់បង់ការងារ រឹតតែជាបញ្ហាជាងគ្មាន បសស ទៅទៀត។

តើ រាជរដ្ឋាភិបាល គួរបន្តទុក បសស ឬ គួរតែ ដកចេញ?

បើតាមការពិនិត្យមើលបែបបទរដ្ឋបាល ដែលកំនត់ដោយ បសស គឺគ្រាន់តែ ជារនាំង មួយសំរាប់អ្នកវិនិយោគរួមទាំងការវិនិយោគផ្នែកធានារ៉ាប់រងផងដែរ។ មានរោងចក្រ ជាច្រើនបានត្អូញត្អែរចំពោះ បសស និង ខ្លះទៀតដែលមានគំរោងមកវិនិយោគ បានបង្វែរទិសដៅទៅប្រទេសជិតខាងវិញ ដែលក្នុងនោះ បសស គឺជាកត្តាមួយ ក្នុង ចំណោមកត្តាជាច្រើនទៀត។

ចំពោះរាជរដ្ឋាភិបាល ចំណូលប្រចាំខែពី បសស ពិតជាមិនតិចនោះទេ តែបើគិតពី រយះពេល យូរអង្វែង នោះរដ្ឋាភិបាលគួរពិចារណាឡើងវិញ នូវបែបបទរដ្ឋបាល ឬ ការលើកទឹកចិត្តដល់វិនិយោគិន ដូចបណ្តាប្រទេសជិតខាងបាននិង កំពុងអនុវត្តន៍៕

ព្រះរាជាណាចក្រអច្ឆរិយ

ពិតជាគួឲ្យកោតសរសើរដល់អ្នកដែលបាននឹកឃើញនូវ​ប្រសិទ្ធនាម​ឲ្យ​ប្រទេស​កម្ពុជា ថាជា “ព្រះរាជាណាចក្រអច្ឆរិយ” នេះណាស់។ ប្រសិទ្ធនាមនេះ ទោះជាមើលក្នុង​ជ្រុង​ពីរ​​ផ្សេង​គ្នា ក៏នៅតែសាកសមឥតខ្ចោះ។

ពិនិត្យពីជ្រុងវិជ្ជមាន យើងឃើញថា ប្រទេសកម្ពុជាទោះជាតូចក្តី តែ​សម្បូរទៅដោយ មរតកបេតិកភណ្ឌ និង អច្ឆរិយវត្ថុ​ជាច្រើនដូចជា ប្រាសាទអង្គរវត្ត ប្រាសាទព្រះវិហារ បន្ទាយស្រី រួមទាំងប្រាសាទជាង​២,០០០ ផ្សេងទៀត។ ក្រៅពីនោះក៏នៅមាន​ មរតក​ធម្មជាតិ, វប្បធម៏ … ។ល។

ចំណែកជ្រុងអវិជ្ជមានវិញ ក៏យើងនៅតែឃើញថាសាកសមនឹងឈ្មោះនេះដែរ ដោយ​សារ ភាពអច្ឆរយទាំងនេះ កម្រមាននៅលើពិភពលោកយើងណាស់​ដូច​ជា៖

  • នៅតាមដងផ្លូវជា​ច្រើននៃរាជធានី​ តែងតែមានសម្លេងអូរអរ មិនដាច់សូរ​ឡើយ ហើយ​បើ​អ្នកត្រូវការទិញឬលក់​របស់របរអ្វីនោះ មិន​ចាំបាច់​ពិបាក​ទៅ​​ផ្សារ​​​​ឡើយ ដោយគ្រាន់តែរង់ចាំបន្តិច នឹងមាន អ្នកលក់​ឬ អ្នក​ទិញ​ មក​​​ដល់​​​គេហ​ដ្ឋាន​ជា​ស្រេច​ដូចជា ពងមាន់អាំង ពងទាកូន ការ៉េម ចំណី​អាហារ​ជាច្រើន​ប្រភេទ… ចំណែកឯអ្នកទិញអេតចាយ ក៏​មិន​ពិបាក​​រង់​ចាំ​ដែរ ព្រោះអ្នកទាំងអស់គ្នា​សុទ្ធ​តែមាន​ប្រព័ន្ធ​បំពង​សម្លេង ​ដែល​អាច​លឺ​បាន​យ៉ាង​​ច្បាស់ក្នុងរង្វង់ ១៥​ទៅ​២០​​ម៉ែត្រ ហើយ​អាចដាស់អ្នក​បាន​យ៉ាង​​ស្រួលទោះជាក្នុងបន្ទប់​បិទ​​ជិត​ក៏ដោយ។​ អ្នកលក់ខ្លះទៀត​ចាក់​បទ​​ញាក់ ស្ទើរ​តែ​ធ្លាក់​បេះដូង​ចេញមកក្រៅ ដែល​អាច​​ឲ្យ​អ្នក​ចង់រាំ មិន​ចាំ​បាច់​​​ត្រូវ​​ការ​​ម៉ាញ៉េ ឬ ឧបករណ៍​តន្ត្រីឡើយ។
  • ចំពោះការចាក់សំរាមវិញ ក៏មិនពិបាកដែរ ជាពិសេស​នៅជិតផ្សារ អ្នក​អាច​ចោលនៅលើទ្រូងថ្នល់​​ ឬ ចិញ្ចើមផ្លូវបាន។
  • ក្នុងព្រះរាជាណាចក្រ ដ៏តូចច្រឡឹងនេះ អ្នក​អាច​ចាយលុយបរទេស​បាន​​ដោយ​​​​​គ្មាន​​បញ្ហា​​ដូច​ជា លុយ​ដុល្លា ​(អាមេរិក), ដុង (វៀតណាម), បាត (ថៃ), និង​លុយ​ប្រទេស​ផ្សេងៗ ក៏អាច​មាន​ដូរបាននៅតាម​កន្លែង​ដូរ​លុយ​ (មិនមែន​​ធនាគារ) មួយ​​​​​ចំនួន​​ផង​ដែរ។
  • កាន់តែអស្ចារ្យមួយទៀតនោះគឺ អនុសាសន៍​របស់អ្នកដឹកនាំ, សារាចរ, ឬ ស.ជ.ណ បែរជាមានប្រសិទ្ធភាព​ជាងច្បាប់ទៅទៀត ទោះជាពេលខ្លះ​ មាន​លក្ខណៈ​មិនស្របរដ្ឋធមនុញ្ញដែល​ជាច្បាប់​កំពូល​ក៏ដោយ។
  • រឿងដែលកាន់តែអស្ចារ្យមួយទៀតនោះគឺប្រាក់បៀរវត្តន៍របស់មន្ត្រីរាជការ មាន​ចំនួន​​ស្ទើរ​តែ​មិន​អាចរស់បាន តែពួកគេ​បែរជាអាចរស់​នៅ​បាន​យ៉ាង​ហ៊ឺហារជាង​​​អ្នក​​ដែលទទួលបៀរវត្តន៍ខ្ពស់​នៅតាម​ផ្នែកឯកជន ឬ​សង្គម​ស៊ីវិលទៀត​ផង។
  • នៅមានចំនុចជាច្រើនទៀត​ដែលធ្វើឲ្យរាជាណាចក្រមួយនេះសាកសម នឹង​​ឈ្មោះដ៏ល្អនេះ។

ក្នុងនាមខ្ញុំជាកូនខ្មែរម្នាក់ ពិតជាចង់ឲ្យឈ្មោះ ព្រះរាជាណាចក្រអច្ឆរិយ ដ៏ល្អនេះ​សាក​សម​នឹង​ជ្រុង​​វិជ្ជមាន​​តែ​មួយគត់​ សង្ឃឹមថាចំនុចមិនល្អទាំងឡាយ នឹងត្រូវបានលុប​បំបាត់​ ដោយ​រាជ​រដ្ឋា​ភិបាល​​ក្នុង​ពេលណាមួយ៕

 

When There Is Turmoil, People Put Their Money In U.S. Dollars?

By Jim Rogers Jan 06, 2012

“People, rightly or wrongly, when there is international turmoil, but their money in U.S. dollars. It is the wrong thing to do but that’s what they do, so I still own my dollars.”

******************

To me, Gold is still the best heaven assets when there is local or international turmoil:

  • This was proof during the Pol Pot regime. We can use gold to exchange with other goods instead of currency. That period, although they have publish their own currency but was not used.
  • In case U.S. have economic crisis, then U.S. Dollar will be less value.

Dara Vireak, Jan 10, 2012

តើ​នឹង​មាន​អ្វី​កើត​ឡើង​បន្ទាប់​ពី​ឆ្នាំ​២០១៥?

ឆ្នាំ​២០១១​ជិតឈាន​ទៅរក​ទីបញ្ចប់​ទៅហើយ ហើយវិបត្តិសេដ្ឋកិច្ចពិភពលោក​ ក៏​​ទើប​តែ​​ចាប់​ផ្តើម​ និង អាចអូសបន្លាយរហូត​ដល់ដំណាច់ឆ្នាំ​២០១២ ឬ ក៏អាចយូរជាងនេះ​ទៅ​ទៀត​ក៏អាចថាបាន ​ដោយ​សារ​​ វិបត្តិហិរញ្ញវត្ថុ ភាព​ចលាចលកើតមាន​នៅ​តាម​ប្រទេស​ជាច្រើន រួមទាំង គ្រោះធម្មជាតិផងដែរ​។

ឆ្នាំ​២០១៥​នឹងឈានមកដល់ក្នុង​ពេលឆាប់ៗ ដែលជាពេល​​ សមាហរណកម្ម សេដ្ឋកិច្ច អាស៊ាន ហើយ​ក៏ជាគោលដៅ​ក្នុងការ​ប្រើ​ប្រាស់រូបិយប័ណ្ណប្រាក់ YUAN របស់​ចិន​​មក​ជំនួស​​ប្រាក់​ដុល្លា​​អាមេរិកផងដែរ។

ផែនទីនៃប្រទេសទាំង១០របស់អាស៊ាន


តើសមាហរណកម្ម សេដ្ឋកិច្ច អាស៊ាន មានអ្វីចំបងខ្លះ?

  • លំហូរដោយសេរី នូវទំនិញចេញចូល
  • លំហូរដោយសេរី នូវសេវាកម្ម
  • លំហូរដោយសេរី នូវមូលធន និង​ ការវិនិយោគ

ឥឡូវយើង​ក្រលេក​មើលទិន្ន័យសួចនកររបស់សមាជិកអាស៊ាន​វិញម្តង៖

តារាងខាងលើ បង្ហាញឲ្យឃើញថា ផលិតផល​ក្នុងស្រុក​សរុប​របស់កម្ពុជា ​ទាប​​ជាង​​គេ​បន្ទាប់​​ពី​ភូមា​ក្នុង​ចំណោម​បណ្តាប្រទេសអាស៊ាន​។

តើប្រទេសយើង អាច​ប្រកួតប្រជែង​ជាមួយ​សមាជិក​ក្នុង​តំបន់​បាន​ដែរ​ឬ​យ៉ាង​ណា?

  • លំហូរដោយសេរីនូវទំនិញចេញចូល៖ បើក្រលេកមើល ទំហំ​នៃ​ជំនួញ ការ​នាំ​​ចេញ និង នាំចូល របស់កម្ពុជា ​ជាប់​លំដាប់​លេខ​​៣ រាប់​ពី​​ក្រោម​។
  • លំហូរដោយសេរីនូវសេវាកម្ម៖ ​ធនធាន​មនុស្ស​​ ជា​កត្តា​​សំខាន់បំផុត​សំរាប់​ការ​ផ្តល់នូវសេវាកម្ម​តំបន់។ ប្រជាជន​កម្ពុជា នឹង​ប្រឈម​មុខ ជាមួយ​​​ការ​ប្រកួត​ប្រជែង​ដ៏ខ្លាំងក្លា ពីសំណាក់​ប្រទេស​វៀត​ណាម​ ដែល​មាន​​កំលាំង​ពលកម្ម​ច្រើន ថោក និងស៊ូក្នុងការងារ នៅពេលដែល ប្រជា​ជន​​ហ្វីលីពីន មានភាសាអង់គ្លេស​ជាអទិភាព និងជា​ប្រទេស​នាំ​​ចេញនូវ​កម្លាំងពលកម្ម​ច្រើនជាងគេក្នុងតំបន់​ រីឯ​ជនជាតិថៃ ដែល​គេ​ច្រើន​​​​លើក​តម្កើង​ថា ជាជនជាតិសម្បូរដោយ​ស្នាមញញឹម ទន់ភ្លន់​ ពូកែ​ផ្នែក​ទំនាក់​ទំនង​និង​​ការទូត។ យោងលើភាពខ្លាំង របស់​បណ្តា​​ប្រទេស​​ ​ក្នុង​អាស៊ាន​​ទាំង​​​​នេះ​ ប្រជាជន​កម្ពុជា ទាម​ទារ​បង្កើននូវ​ ភាព​ជំនាញ​​​ជា​​​ច្រើន​​​ ដើម្បី​ឈាន​ទៅ​រក​​​​ការ​នាំ​ចេញ​ ឬ ​អាច​ធានា​នូវ​​ធន​​ធាន​​មនុស្ស​​ក្នុង​ប្រទេស​របស់​ខ្លួន ចាប់​​ពី​​​កំរិត​​​ថ្នាក់​​​អ្នក​គ្រប់​គ្រង​មធ្យម​ឡើងទៅ។ តើ​យុវវ័យ​របស់ កម្ពុជា បាន​ត្រៀម​ខ្លួន​កំរិត​​ណាហើយ? ក្នុងនាមជា​ប្រជា​ជាតិ​មួយ ធ្លាប់​មាន​​អរិយ​ធម៌​ខ្ពង់ខ្ពស់ ពិត​ជា​មិន​ចង់​ឃើញ​ប្រទេស​របស់​ខ្លួន​ពោ​ពេញ​ទៅ​​ដោយ​ អ្នកគ្រប់​គ្រង​​ជា​ សាសន៍​ដទៃ​ស្ទើរ​តែ​ទាំង​ស្រុង​​ឬ ការ​​នាំ​ចេញ​ធនធាន​មនុស្ស សុទ្ធ​តែ​ជា​កម្មករ​នោះដែរ។​
  • លំហូរដោយសេរីនូវមូលធននិង​ការវិនិយោគ៖ ចំនួន​ប្រជាជនច្រើន គឺ​​ជា​ទំហំទីផ្សារនៅនឹង​កន្លែងមួយសំរាប់ការវិនិយោគដែលជាអទិភាព ចំពោះ​​ប្រទេស ឥណ្ឌូណេស៊ី ហ្វីលីពីន និង វៀតណាម។

យោលតាមចំនុចទាំងបីខាងលើ​សុទ្ធតែមិនមានផលល្អ ចំពោះ​កម្ពុជាឡើយ តែទោះ​ជាយើង ចង់ ឬ មិន​ចង់ ចូលចិត្ត ឬ​ មិនចូលចិត្ត ចំពោះសមាហរណកម្ម សេដ្ឋកិច្ច អាស៊ាន យ៉ាងណាក៏ដោយ ក៏ចាំបាច់សមាហរណកម្ម នេះនៅតែ​​កើតឡើងដ​ដែល ក្នុងពេលជាងបីឆ្នាំខាមុខ។ ដូចនេះ មានតែការត្រៀមខ្លួន និង ប្រឹងប្រែង​ឲ្យ​អស់​ពី​លទ្ធភាព​​របស់​ប្រជាជនកម្ពុជា​ប៉ុណ្ណោះ ដែលទាមទារឲ្យមានការអន្តរាគមន៍​យ៉ាង​ដិត​ដល់​ ​ពីសំណាក់ រដ្ឋាភិបាល ប្រព័ន្ធអប់រំ និង ប្រព័ន្ធផ្សព្វផ្សាយ៕

ដោយ៖ វីរៈ ដារ៉ា

នឹងមានអ្វីប្លែកចំពោះក្រុមហ៊ុនទូរស័ព្ទចល័តនៅកម្ពុជា?

ក្រុមហ៊ុន Thaicom ដែលជាម្ចាស់ភាគហ៊ុន 51% របស់ក្រុមហ៊ុន Mfone មាន​បំណង​ដក​ខ្លួន​ ចេញពីទីផ្សារ​នៅប្រទេស​កម្ពុជា និង ឡាវ បន្ទាប់ពី លទ្ធផល​អជីវកម្ម​​​នៃ ទូរស័ព្ទ​ចល័ត អចល៍ត និង អ៊ីនធឺណែត របស់ខ្លួន បន្ត​ធ្លាក់​ចុះ។​ អតិថិជន​កាលពី​ត្រីមាស​ទី​១​ ឆ្នាំ២០១១ មានចំនួន ៦៩៨,០០០ នាក់ បានធ្លាក់មកត្រឹម ៥៥៣,៦០០ នាក់នៅ​ត្រីមាសទី២​ក្នុងឆ្នាំដដែល។​ មានសេណារ៉ូពីរ ដែលនឹងកើតឡើង គឺទី១ លក់​ភាគ​ហ៊ុនរបស់​ខ្លួន​ទាំងស្រុង និង ទី២ រួមបញ្ចូលគ្នា​ជាមួយ នឹង Axiata (Hello) ដូច​ការ​ព្យារ​ករណ៍​របស់ខ្ញុំ​កាលពីចុងឆ្នាំ​២០១១។

Axiata ដែលជាម្ចាស់ភាគហ៊ុនធំ បានទិញភាគហ៊ុន​ Telcom Malaysia របស់ Hello ទាំងអស់​ ហើយ​ក៏​ប្រហែលជានឹងមានផែនការ ទិញយក​ភាគហ៊ុន Thaicom ផងដែរ។​

ក្រុមហ៊ុន Excell ក៏កំពុងចរចារលក់ភាគហ៊ុនរបស់ខ្លួនផងដែរ។

ចុះ Beeline និង qb ដែលនឹងក្លាយជា​ក្រុមហ៊ុនតូចជាងគេ បន្ទាប់ពី Excell លាចាក​ទៅ នឹង មានផែនការបែបណាដែរ?