មានរុក្ខជាតិជាច្រើនដែលងាយរកបាន និង ដាំដុះនៅជុំវិញផ្ទះ ដើម្បីទុកប្រការនៅពេលចាំបាច់ដូចជា ក្តៅក្នុង ឈឺបំពង់ករ ផ្តាសាយ ។ល។ ខ្ញុំនឹងលើកយករុក្ខជាតិពីរប្រភេទដែលអាចប្រើជំនួសថ្នាំពេទ្យ ដោយគ្រាន់តែយកមកដាំទឹកផឹកដូចតែ ក្នុងការព្យាបាល ការក្តៅក្នុង ដូចខាងក្រោម៖
1. ដើមកន្ទុយឆ្កែ (ហៅតាមចិន = ឆេតេឆៅ)
ដើមកន្ទុយឆ្កែនេះ ក្រៅពីព្យាបាល ការក្តៅក្នុង នៅអាចជួយឲ្យត្រជាក់ថ្លើម និង អាចយកមកធ្វើម្ហូប បានទៀតផង ដូចជា៖ ស្ងារជាមួយ សាច់ជ្រូក, ថ្លើមជ្រូក, ឬ ក្រលៀនជ្រូក។
2. ដើម អាំងតិច (ហៅតាមចិន)
ក្រៅពីព្យាបាល ការក្តៅក្នុង ដើម អាំងតិច នៅអាចជួយដល់ការជួយសំរួលការបត់ជើងតូចឲ្យបានងាយស្រួល និង យកមកធ្វើជា ភេសជ្ជៈ ហៅថា ទឹកត្រជាក់បានទៀតផង ដោយមានការលាយបញ្ជូលនូវ អំពៅខ្មៅ និង ប្រភេទ រុក្ខជាតិ ផ្សេងទៀតដូចជា ឆ្កែស្រែង និង ឬសស្បូវ។
នៅមានប្រភេទរុក្ខជាតិជាច្រើនប្រភេទទៀត ដែលខ្ញុំមិនដឹង ឬ មិនធ្លាប់បានសាកល្បង។ បើបងប្អូន ឬ ពូមីង បានដឹងសូមជួយផ្តល់ពត៌មានបន្ថែមផង។