ទោះបីជាធ្មេញមានមុខងារកិនរំលាយអាហារក្តី ប៉ុន្តែអាហារមួយចំនួនក៏អាចផ្តល់អត្ថប្រយោជន៍ដល់ធ្មេញបានដែរ។
១- ផ្លែគីវី
ជាផ្លែឈើមួយប្រភេទដែលផ្តល់ អត្ថប្រយោជន៍យ៉ាងច្រើនដល់ធ្មេញ ព្រោះថាវាមានសារធាតុអាហារល្អៗជាច្រើន ទុកជំនួយធ្មេញនិងអញ្ចាញ។ មិនតែប៉ុណ្ណោះវាថែមទាំងមានជាតិសរសៃដែលជួយខាត់ធ្មេញឱ្យ ស ចែងចាំងទៀតផង។ វាជាផ្លែឈើដែលសមសម្រាប់អ្នកដែលនិយមចូលចិត្តផឹក “តែ” កាហ្វេ ព្រោះវាអាចជួយកម្ចាត់កម្អែលលឿងៗ ដែលជាប់ធ្មេញបានល្អ។
២- វ៉ាសាប៊ិ
វាសាប៊ិមានសារធាតុម៉្យាងឈ្មោះ អៃសូធិអូសៀលោត ដែលអាចទប់ស្កាត់មិនឱ្យមេរោគក្នុងធ្មេញវិវត្តន៍បានទេ ដូច្នេះហើយបានជានៅពេលអ្នកទំពា វ៉ា-សាប៊ិម្តងៗ គឺស្មើនឹងជួយពន្យារអាយុធ្មេញឱ្យកាន់តែ ជាប់រឹងមាំបានយូរ ឆ្នាំថែមទៀត។
៣- ទំពាំងបាយជូរក្រៀម
ក្
រុមអ្នកស្រាវជ្រាវខាង ចំណីអាហាររបស់ សហរដ្ឋអាមេរិកបានឱ្យដឹងថា អាស៊ីដអូលៀ ណូអ៊ីក ដែលមានក្នុង ទំពាំងបាយជូរក្រៀមអាច ជួយទប់ស្កាត់ការវិវត្តន៍របស់បាក់តេរីក្នុងក្រអូមមាត់ អាចនិយាយបានថា កាន់តែទទួលទានច្រើន មាត់ ធ្មេញ ក៏កាន់តែមានសុខភាពល្អ ។
៤- ផ្លែក្រេនបឺរី
សម្រាប់ផ្លែឈើមួយប្រភេទនេះ មានតម្លៃខ្ពស់បន្តិចមែន ប៉ុន្តែប្រសិនបើបានទទួលទាន អ្នកនឹងមានអារម្មណ៍ថា ធ្មេញមានសុខភាពល្អ ប្រាកដមែន ពីព្រោះក្រេនបឺរីមានសារធាតុ ដែលជួយទប់ស្កាត់កុំឱ្យបាក់តេរីតោងជាប់ធ្មេញ ការពារដំណើរវិវត្តន៍របស់អតិសុខុមប្រាណ។
៥- ផ្លែប៉ោម
ទោះបីជាផ្លែប៉ោមមិនអាចពិឃាតដង្កូវស៊ីធ្មេញ បានដោយផ្ទាល់ក៏ពិតមែន ប៉ុន្តែវាមានប្រសិទ្ធភាពក្នុងការភ្ញោចក្រពេញ ទឹកមាត់ឱ្យផលិតទឹកមាត់ចេញមកច្រើនៗ។ បន្ទាប់មកទឹកមាត់ក៏នឹងលាងជម្រះមិនឱ្យមានកម្ទេចអាហារជាប់តាមជើងធ្មេញ។ មិនតែប៉ុណ្ណោះវាថែមទាំងជួយសម្រួលស្ថានភាពអាស៊ីដក្បុងក្នុងមាត់ឱ្យមានតុល្យភាពដើម្បីការពារសំណឹក ធ្មេញ។
៦- ការ៉ុត
ជាតិសរសៃ និង ភាពស្រួយស្រែះរបស់ការ៉ុតនឹងបំពេញមុខងារ ខាត់កម្ទេចអាហារដែលជាប់តាមជើងធ្មេញ។ បន្ទាប់មកវានឹងជួយភ្ញោច ក្រពេញទឹកមាត់ឱ្យបញ្ចោញទឹកមាត់មកលាងជម្រះធ្មេញ ឱ្យស្អាត មានន័យថាបើបានទំពាការ៉ុតលេងមួយកូនមើមគឺស្មើនឹងយើងកំពុងអង្គុយដុសសម្អាតធ្មេញដែរ៕
វីរៈ ដារ៉ា Dara Vireak 
Yeah bookmaking this wasn’t a bad conclusion great post!
Hey There. I discovered your blog the use of msn. This is an extremely neatly written article. I’ll make sure to bookmark it and return to read extra of your useful info. Thank you for the post. I will definitely comeback.